Archive for the ‘Taħditiet’ Category

Lejla ta’Poeżija mill-Għaqda Poeti Maltin fir-Razzett tal-Markiż

Posted on: April 18th, 2012 by admin No Comments

Lejla ta’ Poeżija mill-Għaqda Poeti Maltin Nhar is-Sibt, 14 ta’ April, 2012

L-Għaqda Poeti Maltin organizzat Lejla ta’ Poeżija fir-Razzett tal-Markiż fil-Mosta. Dan f’kollaborazzjoni mal-Għaqda Filantropika Talent Mosti.

Il-Lejla nfetħet b’diskors qasir mill-viċi-President tal-Għ.P.M., is-Sur Patrick Sammut, fl-assenza tal-President il-ġdid, is-Sur Charles Magro. Is-sur Sammut qal li Lejliet bħal dawn iservu wkoll bħala vetrina ta’ dak li qed jagħmlu xi membri tal-Għaqda Poeti Maltin rigward pubblikazzjoni ta’ ġabriet ta’ poeżija u kotba oħra.

Waqt din il-Lejla tkellem l-assistent Segretarju tal-Għ.P.M. u poeta Charles Mifsud tkellem dwar il-ġabra tiegħu ta’ poeżiji reliġjużi u Marjani, Il-Blata Tiegħi (2011).

Dawk preżenti għal-Lejla ta’ Poeżija fil-Mosta kellhom l-opportunità jaqraw iżjed minn poeżija waħda. Inqraw poeżiji b’ilsna, temi u stili differenti. Il-Lejla kienet imżewqa wkoll mill-mużika u kanzunetti folk ta’ Walter Micallef.

Fl-aħħar tas-serata  is-sur Sammut irringrazzja lil dawk kollha li għoġobhom jattendu għall-Lejla u anki lill-Għaqda Filantropika Talent Mosti u l-President tagħha, is-Sur Joe Bartolo, għall-kooperazzjoni li dejjem urew mal-Għaqda Poeti Maltin.

 

 

Muntaġġ: Rita Demicoli

Lejla Mużiko-Letterarja u Wirja tal-Ġimgħa l-Kbira 2012

Posted on: March 10th, 2012 by admin No Comments



Pittura ta’ Darren Spiteri

 

L-GĦAQDA FILANTROPIKA TALENT MOSTI

Tippreżenta

 

Serata Mużiko – Letterarja Sagra

NILQGĦU F’ĦAJJITNA L-MISTERU TAS-SALIB

fl-Iskola Sekondarja Bniet – Kulleġġ Maria Regina,

Triq Wied il-Għasel, il-Mosta

 

il-Ħadd 25 ta’ Marzu 2012 fis-7.30pm

bis-sehem ta’ qarrejja magħrufa

u l-parteċipazzjoni tal-Johann Strauss Clarinet Ensemble

taħt id-direzzjoni tas-Sur Godfrey Mifsud

 

Attivita’ ddedikata f’ġieħ il-memorja għażiża tal-arkitett

George Grognet de Vasse’

(1774 – 1862)

f’għeluq il-150 sena minn mewtu

George Grognet de Vasse’

 

Għal aktar tagħrif sibuna fuq:

www.talentmosti.org

 

Din is-serata qed tittella’ bil-kolloberazzjoni

Tal-Kunsill Skolastiku – Skola Sekondarja Bniet,

Kulleġġ Maria Reġina, il-Mosta

 

Ritratt tal-Mudell tal-Knisja Rotunda

esebita fir-Razzett tal-Markiz

 

L-GĦAQDA FILANTROPIKA TALENT MOSTI

bi pjaċir tistiednek għall-14 il-edizzjoni

tal- WIRJA TAL-ĠIMGĦA MQADDSA

 

FIĊ-ĊENTRU TA’ KULTURA NAZZJONALI

IR-RAZZETT TAL-MARKIŻ

TRIQ WIED IL-GĦASEL, IL-MOSTA

Bejn is-26 ta’ Marzu u t-8 ta’ April 2012

 

 

Ejja flimkien mal-familja tiegħek

jew ma’ sħabek sabiex tapprezza din

l-esebizzjoni kollettiva ta’ Arti Sagra

bis-sehem ta’ artisti

magħrufa u oħrajn ġodda

ambjentata f’dan il-post qadim

li jmur lura sas-seklu 17,

fejn fih jinsab ukoll il-mużew tal-folklor.

 

Fil-għorfa ta’ fuq, wieħed se jkun jista’

japprezza fost ħwejjeġ oħra ta’ interess

fmudell ta’ Sapurklu maħdum fuq dak

li nsibu fir-Rotunda tal-Mosta

 

ĦINIJIET

Kuljum mill-5.30pm sad-9.00pm

Ħamis ix-Xirka mill-5.30pm sal-11.00pm

Ġimgħa l-Kbira mill-10.00am sa nofsinhar

Ħdud filgħodu mill-10.00am sa nofsinhar

 

DĦUL BLA ĦLAS – PARKING MHUX PROBLEMA

 

Għal aktar tagħrif sibuna fuq:

www.talentmosti.org

Din il-Wirja qed tittella’ bil-kolloberazzjoni

Tal-Kunsill Skolastiku – Skola Sekondarja Bniet,

Kulleġġ Maria Reġina, il-Mosta

Muntaġġ u Fotografija: Rita Demicoli

 



Doris Vella Camilleri

Posted on: February 18th, 2012 by admin No Comments

 

 

Niltaqgħu ma’ l-Awtur – Doris Vella Camilleri

nhar il-Gimgħa 17 ta’ Frar 2012


Is-serata kellha ntroduzzjoni mis-segretarju tal-Għaqda Talent Mosti, Louis Vassallo.

Il-Presentatriċi Mariella Pisani Bencini intervistat lil Doris Vella Camilleri, Awtriċi, għalliema u xandara edukattiva.

Doris Vella Camilleri tkellmet dwar il-ktieb “The one that stayed behind” – Verżjoni bil-Malti minn Alfred Palma bit-titolu “Sfajt Waħdi”.  Dan il-ktieb huwa awtobijografija ta’ l-Awtriċi li tilfet lil missierha u żewġ ħutha subien fl-1942. F’dan il-ktieb, l-Awtrici tirrakkonta t-tifkiriet tagħha tat-tieni Gwerra Dinija, minn għajnejn ta’ tifla ta’ għaxar snin.

Doris Vella Camilleri imbagħad tkellmet dwar il-Ktieb “Akkademiku” ta’ Ħrejjef bl-isem ta’ “It-Tajjeb, il-Ħażin, il-Mirakuluż”.  F’dawn il-Ħrejjef, johroġ l-element femminist u l-fatt li l-protagonisti jibqgħu jgħixu ħenjin, fatt li ħafna jsostnu li m’għadux jgħodd ghaż-zmien tal-llum.

Il-ktieb “The Bride of Mosta” jittratta żewġ stejjer paralleli, il-leġġenda u storja ta’ żmienna.

Minn dawn il-Kitbiet, naraw in-namra ta’ Doris Vella Camilleri mal-Folklor u l-Leggendi.

Mariella Pisani Bencini għalqet il-serata billi qalet li l-Artist ma jmut qatt, għax jibqa’ jgħix fil-mużika, pittura u kitba tiegħu jew tagħha.

Il-President ta’ l-Ghaqda Talent Mosti, Joe Bartolo, stieden lil kulħadd biex jagħti titwila lejn x-xogħol li qed isir fl-“Open Theatre”.

Muntaġġ u Fotografija: Rita Demicoli

Taħdita tal-films

Posted on: November 2nd, 2011 by admin No Comments

L-GĦAQDA FILANTROPIKA TALENT MOSTI tistieden lill-pubbliku għal taħdita divertenti fuq IĊ-ĊINEMAfejn tlett esperti fuq dan is-suġġett Mario Azzopardi, Tony Muscat u Carmelo Bonnici se jaqsmu l-ħsibijiet tagħhom mal-udjenza dwar il-faxxinu u l-industrija tal-films nhar il-Ġimgħa 4 ta’ Novembru 2011 fis-7.00pm fiċ-Ċentru ta’ Kultura Nazzjonaliir-Razzett tal-Markiż Triq Wied il-Għasel, il-Mosta. Din l-attivita’ hi miftuħa għal kulħadd