Archive for the ‘Esebizzjonijiet’ Category

Ftuħ tal-Wirja Marjana nhar il-Ġimgħa 27 ta’ April 2012

Posted on: May 3rd, 2012 by admin No Comments

FTUĦ TAL-WIRJA MARJANA

bit-tema “Marija fi twemmin il-poplu”

FIR-RAZZETT TAL-MARKIZ MALLIA TABONE

TRIQ WIED IL-GHASEL, IL-MOSTA

 

Il-Ftuħ uffiċċjali tal-Wirja Marjana, , sar nhar il-Gimgħa 27 ta’ April 2012 bis-sehem ta’ l-attriċi u xandara Theresa Gauci u l-eks Kap ta’ l-Iskola Lily of the Valley, Ms. Mary Doris Aquilina bħala l-mistiedna speċjali. Ms Aquilina  kienet l-ewwel Kap tal-Iskola Lily of the Valley li ħadem magħha il- grupp Talent Mosti, lura fl-1996. Ms. Aquilina hi wkoll persuna li tispeċjalizza fuq l-ikoni. Għalhekk,din l-istedina fissret għaliha wkoll nostalġija għal dawk is-snin li ħadmet fil-Mosta.

Għal din l-attivita’ attendiet ġemgha ġmiela ta’ ħbieb tar-Razzett:

Saret ukoll presentazzjoni lill-Għaqda Filantgropika Talent Mosti mis-Sur Victor Zammit għan-nom tas sur Paul Axiaq :

Il-Kantanta Mostija Maria Lewis interpretat l-Ave Maria ta’ Caccini:

Il-Ftuħ uffiċċjali tal-Wirja Marjana sar  minn Ms Maria Doris Aquilina

u ġiet imbierka mill-Arċipriet tal-Mosta, Rev Albert Buħaġiar:

 

Dawra mal-Wirja:

Muntaġġ : Rita Demicoli

Fotgografija: Denise Demicoli

 

Il-Wirja qed tittella’ fir-Razzett tal-Markiz

fi Triq Wied il-Għasel ilMosta

u ser tibqa’ miftuħa sat-12 ta’ Mejju.

Ħinijiet tal-wiri:
Mit-Tnejn sas-Sibt mis-6.00pm sad-9.00pm
Ħdud: mill-10.00am sa nofsinharu bejn is-6.00pm u d-9.00pm

Bil-kollaborazzjoni tal-Kunsill Skolastiku

tal-Iskola Sekondarja tal-Bniet tal-Mosta

fi ħdan il-Kulleġġ Maria Reġina

 

X’ġara nhar il-Ħadd 25 ta’ Marzu 2012

Posted on: March 28th, 2012 by admin No Comments

NILQGĦU F’ĦAJJITNA L-MISTERU TAS-SALIB

Is-Serata, bit-titlu “Nilqgħu f’Ħajjitna l-Misteru tas-Salib” inżammet nhar il-Ħadd 25 ta’ Marzu 2012 fis-sala prinċipali tal-iskola sekondarja tal-bniet – Kulleġġ Maria Reġina fil-Mosta bil-permess ġentili tal-Kap u l-Kunsill Skolastiku.

B’taħlita bejn qari ta’ proża u poeżija minn Margaret Agius, Charles Abela Mizzi, Ġorġ Peresso u Charles Coleiro, flimkien mal-interventi mużikali tal-Johann Strauss Clarinet Ensemble taħt id-direzzjoni ta’ Godfrey Mifsud, is-Serata tat bidu sabiħ għall-inawgurazzjoni tal-Wirja tal-Passjoni tas-Sinjur tagħna Ġesu Kristu fir-Razzett tal-Markiż Mallia Tabone (Mosta) – Wirja li ser tibqa’ miftuħa għall-pubbliku sa Ħadd il-Għid.

 

 

Kelma ta’ tifħir hija mostħoqqa lill-preżentaturi tas-Serata Dr Alexandra Camilleri u Joe Gabriel Vella, lil min ħa ħsieb is-sound u d-dwal – Alec Massa, Eric Frendo u Bernard Zammit, kif ukoll lill-koppja Mario u Liberata Vassallo għall-Power Point Presentation.

 

Fl-aħħar tar-rappreżentazzjoni, il-President tal-Għaqda Joe Bartolo, ippreżenta għotja ta’ flus lill-Arċipriet Dun Albert Buhagiar b’risq il-fond tal-Parroċċa għall-familji fil-bżonn u rikordju lil dawk li taw is-sehem tagħhom.

 

 

 

L-ghan ta’ din is-Serata hu li, fil-waqt li nammiraw u napprezzaw it-talenti li l-Mulej jaf jagħti lill-uħud u nirringrazzjawh għalihom, lilna, jressquna aktar lejn il-Ħallieq li bata u miet fuq is-Salib biex jifdina u jsalvana.

FTUĦ TAL-WIRJA TA’ l-ARTI SAGRA FL-OKKAŻJONI TAL-ĠIMGĦA MQADDSA

FIĊ-ĊENTRU TA’ KULTURA NAZZJONALI

IR-RAZZETT TAL-MARKIŻ

TRIQ WIED IL-GĦASEL, IL-MOSTA

 

“……..Meta tkunu qed iżżuru l-wirjiet tal-Ġimgħa Mqaddsa u attivitajiet oħra li jsiru f’dawn iż-żmenijiet, tħarsux biss lejn it-talenti artistiċi, iżda rriflettu fuq it-tbatija, il-mewt u l-qawmien tas-Sinjur tagħna Ġesu Kristu”. B’din ir-riflessjoni f’waqtha, spiċċa d-diskors tiegħu tal-okkażjoni l-Arċipriet Dun Albert Buhagiar fi tmiem id-29 sena konsekuttiva tas-Serata Mużiko-Letterarja imtella’ mill-Għaqda Filantropika Talent Mosti bi preparazzjoni għall-Ġimgħa ta’ Sagrifiċċju

Wara serata pjaċevoli flimkien, kulħadd inġabar lura lejn daru u fir-Razzett reġgħet waqgħet il-ħemda.

DATI TAL- WIRJA TAL-ĠIMGĦA MQADDSA:

Bejn is-26 ta’ Marzu u t-8 ta’ April 2012

ĦINIJIET TAL-WIRJA:

Kuljum mill-5.30pm sad-9.00pm

Ħamis ix-Xirka mill-5.30pm sal-11.00pm

Ġimgħa l-Kbira mill-10.00am sa nofsinhar

Ħdud filgħodu mill-10.00am sa nofsinhar

DĦUL BLA ĦLAS – PARKING MHUX PROBLEMA

 

Din il-Wirja qed tittella’ bil-kolloberazzjoni

Tal-Kunsill Skolastiku – Skola Sekondarja Bniet,

Kulleġġ Maria Reġina, il-Mosta

 

Muntaġġ: Rita Demicoli

Fotografija: Denise  Demicoli

 

Lejla Mużiko-Letterarja u Wirja tal-Ġimgħa l-Kbira 2012

Posted on: March 10th, 2012 by admin No Comments



Pittura ta’ Darren Spiteri

 

L-GĦAQDA FILANTROPIKA TALENT MOSTI

Tippreżenta

 

Serata Mużiko – Letterarja Sagra

NILQGĦU F’ĦAJJITNA L-MISTERU TAS-SALIB

fl-Iskola Sekondarja Bniet – Kulleġġ Maria Regina,

Triq Wied il-Għasel, il-Mosta

 

il-Ħadd 25 ta’ Marzu 2012 fis-7.30pm

bis-sehem ta’ qarrejja magħrufa

u l-parteċipazzjoni tal-Johann Strauss Clarinet Ensemble

taħt id-direzzjoni tas-Sur Godfrey Mifsud

 

Attivita’ ddedikata f’ġieħ il-memorja għażiża tal-arkitett

George Grognet de Vasse’

(1774 – 1862)

f’għeluq il-150 sena minn mewtu

George Grognet de Vasse’

 

Għal aktar tagħrif sibuna fuq:

www.talentmosti.org

 

Din is-serata qed tittella’ bil-kolloberazzjoni

Tal-Kunsill Skolastiku – Skola Sekondarja Bniet,

Kulleġġ Maria Reġina, il-Mosta

 

Ritratt tal-Mudell tal-Knisja Rotunda

esebita fir-Razzett tal-Markiz

 

L-GĦAQDA FILANTROPIKA TALENT MOSTI

bi pjaċir tistiednek għall-14 il-edizzjoni

tal- WIRJA TAL-ĠIMGĦA MQADDSA

 

FIĊ-ĊENTRU TA’ KULTURA NAZZJONALI

IR-RAZZETT TAL-MARKIŻ

TRIQ WIED IL-GĦASEL, IL-MOSTA

Bejn is-26 ta’ Marzu u t-8 ta’ April 2012

 

 

Ejja flimkien mal-familja tiegħek

jew ma’ sħabek sabiex tapprezza din

l-esebizzjoni kollettiva ta’ Arti Sagra

bis-sehem ta’ artisti

magħrufa u oħrajn ġodda

ambjentata f’dan il-post qadim

li jmur lura sas-seklu 17,

fejn fih jinsab ukoll il-mużew tal-folklor.

 

Fil-għorfa ta’ fuq, wieħed se jkun jista’

japprezza fost ħwejjeġ oħra ta’ interess

fmudell ta’ Sapurklu maħdum fuq dak

li nsibu fir-Rotunda tal-Mosta

 

ĦINIJIET

Kuljum mill-5.30pm sad-9.00pm

Ħamis ix-Xirka mill-5.30pm sal-11.00pm

Ġimgħa l-Kbira mill-10.00am sa nofsinhar

Ħdud filgħodu mill-10.00am sa nofsinhar

 

DĦUL BLA ĦLAS – PARKING MHUX PROBLEMA

 

Għal aktar tagħrif sibuna fuq:

www.talentmosti.org

Din il-Wirja qed tittella’ bil-kolloberazzjoni

Tal-Kunsill Skolastiku – Skola Sekondarja Bniet,

Kulleġġ Maria Reġina, il-Mosta

Muntaġġ u Fotografija: Rita Demicoli

 



“Feelings” Wirja ta’ Pittura minn Elsa Romei

Posted on: February 9th, 2012 by admin No Comments

Bejn il-5 u d-19 ta’ Frar, fir-Razzett tal-Markiż Mallia Tabone. qed tittella’ wirja ta’ pittura “Feelings”minn Elsa Romei, personalita’  magħrufa magħna l-Maltin u l-Għawdxin, l-aktar fejn jidħol il-palk.

Din il-wirja ġiet inawgurata mis-Sur Philip Borg fejn għamel diskors u aċċenna għal kif originat u żviluppat l-idea ta’ din il-wirja.  L-introduzzjoni saret mis-sur Louis  Vassallo, Vici-President ta’ l-Għaqda Talent Mosti.  Warajh tkellem il-President attwali ta’ l-Għaqda, s-Sur Joe Bartolo.  Il-President ta spunt ta’ kif l-Għaqda Talent Mosti hija benniena ta’ dak kollu li għandu x’jaqsam ma’ kultura, sengha u arti.

Għas-serata attendew mistednin distinti, magħrufa ma’ kulħadd fosthom John Suda, Gorg Peresso, Ninette Micallef, Joe Friggieri, Charles Abela Mizzi, Richard Muscat u ħafna oħrajn.

Grazzi lil kull min ta sehmu biex din il-wirja tkun suċċess.

Muntaġġ u Fotografija: Rita Demicoli

Wirja ta’ Pittura minn Elsa Romei

Posted on: February 4th, 2012 by admin No Comments

 

L-GĦAQDA FILANTROPIKA TALENT MOSTI

bi pjaċir tippreżenta

“FEELINGS”

Wirja ta’ Pittura

minn

Elsa Romei

 

 

fiċ-Ċentru ta’ Kultura Nazzjonali

Razzett tal-Markiż Mallia Tabone

Triq Wied il-Għasel, il-Mosta

 

Bejn l-5 u d-19 ta’ Frar 2012


 

Mit-Tnejn sas-Sibt mis-6.00pm sad-9.00pm

Ħdud: Mill-10.00am sa nofsinhar

u bejn is-6.00pm u d-9.00pm

 

Dħul bla ħlas

 

Għal aktar tagħrif sibuna fuq
www.talentmosti.org

 

Minn ħaġa għall-oħra b’risq il-ġid

u l-ferħ tal-proxxmu

Muntaġġ: Rita Demicoli

 


Il-Wirja tradizzjonali tal-Milied

Posted on: December 5th, 2011 by admin No Comments

 

L-Ghaqda Filantropika Talent Mosti bi pjaċir tistiednek iżżur IL-WIRJA TRADIZZJONALI TAL-MILIED fiċ-Ċentru ta’ Kultura Nazzjonali fir-Razzett tal-Markiż Mallia Tabone fi Triq Wied il-Għasel, il-Mosta bejn il-11 ta’ Diċembru 2011 u t-2 ta’ Jannar 2012. Il-ħinijiet tal-wiri: Kuljum mill-5.00pm sad-9.00pm. Ħdud u Festi mid-9.30am sa nofsinhar u mill-5.00pm sad-9.00pm. Din l-esebizzjoni għandha turi s-sbuħija u l-mottiv tal-presepju u kif din id-drawwa għadha ssib lil min iħeġġiġha ħalli l-ferħ li jġib miegħu Ġesu’ Bambin jibqa’ħaj fostna issa, u fil-ġejjieni. Numru sabiħ minn dawn il-presepji esebiti qegħdin jieħdu sehem fil-kompetizzjoni mnedija mill-Kummissjoni Nazzjonali tal-Folklor. Kulħadd huwa mistieden. Dħul bla ħlas u parking mhux problema.

Dettall tal-pittura, Nativita – Antonio Allegri da Correggio, c. 1529-1530

Wirja ta’ pittura mill-artist Gordon Borg

Posted on: October 19th, 2011 by admin No Comments

L-GĦAQDA FILANTROPIKA TALENT MOSTI bi pjaċir tippreżenta Cubism: Variations in the Human Figure Wirja ta’ Pittura minn GORDON BORG fiċ-Ċentru ta’ Kultura Nazzjonali Razzett tal-Markiż Mallia Tabone Triq Wied il-Għasel, il-Mosta bejn il-15 u d-29 ta’ Ottubru 2011. Ħinijiet tal-wiri huma mit-Tnejn sas-Sibt mis-6.00pm sad-9.00pm Ħdud: mill-10.00am sa nofsinhar u bejn is-6.00pm u d-9.00pm. Dħul bla ħlas u parking mhux problema.

Wirja: Gjan-Arti – Induratura u Arkett.

Posted on: September 28th, 2011 by admin No Comments

L-Ghaqda Filantropika Talent Mosti bi pjacir qeghda tipprezenta “Gjan-Arti – Induratura u Arkett”, wirja ta’ Martin Spiteri u Patrick Muscat, fiċ-Ċentru ta’ Kultura Nazzjonali Razzett tal-Markiż Mallia Tabone, Triq Wied il-Ghasel, il-Mosta.

F’ din il-wirja ser jintwera kif l-arti, id-disinn u s-sengha jithalltu flimkien sabiex joffru esebiti fuq stil tradizzjonali, modern u originali. Dawn l-esebiti, barra ipaxxu ghajnejn mill-lat ta’ arti, huma oggetti maghmula bl-idejn, minghajr l-uzu t’ghoda moderna, fejn ftit  mill-materja prima huma t-talent u l-pacenzja.

Martin Spiteri, Induratur u ghalliem ta’ l-induratura, qed ittela’ xoghol ta’ diversi forom, fejn is-snajja’ ta’ mastrudaxxa u skultura jigu arrikkiti bl-induratura. L-esebiti huma indurati b’ diversi stili u teknika t’ induratura. Fl-okkazzjonijiet ohra, l-induratura tikkomplimenta  u televa xoghol iehor ta’ l-arti u artigjanat iehor, bhal pittura u ganutell.

Patrick Muscat,’ Accountant’ bhala professjoni, li rnexxielu jisraq ftit mill-hiliet ta’ missieru, qed jipprezenta xoghol ta’ l-arkett kollu fuq disinnoriginali u mahdum bl-idejn. B’ dan ix-xoghol,  l-uzu ta’ l-arkett jinghata dimensjoni ohra b’ disinn, kuluri, forom, injam u metal. Hu jesprora stili u teknika differenti,  fejn barra l-arkett tradizjoni, juza l-arkett ghall-interzjar u xoghol fil-metal.

Din il-wirja ser tkun miftuha bejn l-25 ta’ Settembru u s-7 t’ Ottubru 2011.

Ghal izjed informazzjoni, zur il-pagna tal-Facebook, Gjan-Arti – Induratura u Arkett

Ħinijiet tal-wiri:

  • · mit-Tnejn sas-Sibt mis-6.00pm sad-9.00pm
  • · Ħdud: mill-10.00am sa nofsinhar u bejn is-6.00pm u d-9.00pm

Dħul bla ħlas.

 

Wirja ta’ Pittura

Posted on: September 8th, 2011 by admin No Comments

L-GĦAQDA FILANTROPIKA TALENT MOSTI bi pjaċir tippreżenta ‘‘VISION’’, wirja ta’ Pittura minn Joseph Cilia u Veronique Cassar fiċ-Ċentru ta’ Kultura Nazzjonali Razzett tal-Markiż Mallia Tabone, Triq Wied il-G]asel, il-Mosta bejn l-4 u s-17 ta’ Settembru 2011. Ħinijiet tal-wiri mit-Tnejn sas-Sibt mis-6.00pm sad-9.00pm Ħdud: mill-10.00am sa nofsinhar u bejn is-6.00pm u d-9.00pm
Dħul bla ħlas

Esibizzjoni ta’ Fotografija minn Reuben Chircop

Posted on: June 27th, 2011 by admin No Comments

L-Għaqda Filantropika Talent Mosti tistieden lill-pubbliku ghall-wirja ta’ fotografija bl-isem ta’ My World, mill-fotografu żagħżugħ Reuben Chircop li ser tittella’ ġewwa ir-Razzett tal-Markiż Mallia Tabone. My World hija kollezzjoni ta’ xogħlijiet li jirrakuntaw lil Chircop fid-diversi żminijiet tal-ħajja, sewwa dawk tajbin kif ukoll dawk ħżiena u mumenti oħra ta’ tensjoni jew ta’ rilassament. L-iskop ewlieni ta’ din il-wirja tnissel minn mistoqsija li saret lill-fotografu xi żmien ilu, “Għalfejn thobb tieħu ir-ritratti?”. Il-ġibda u l-passjoni ta’ Reuben Chircop għall-arti fotografika hija riflessa f’din il-wirja.

My World ser tkun miftuħa mill-Ħadd 3 ta’ Lulju sas-Sibt 16 ta’ Lulju ġewwa ċ-Ċentru ta’ Kultura Nazzjonali, Razzett tal-Markiż Mallia Tabone,Triq Wied il-Għasel, il-Mosta. Ħinijiet tal-wiri huma Mit-Tnejn sas-Sibt mis-6.00pm sad 9.00pm u l-Ħdud: mill-10.00am sa nofinhar u bejn is-6.00pm u d-9.00pm. Dħul bla ħlas u parking mhux problema.

www.rchircop.com

(more…)