Activities
Activities for 2010 held at the Centre for National Culture Razzett tal-Markiż Mallia Tabone (watch this space!) ___________________________________________________
Summer break ___________________________________________________
May/June 2010
21 June: Mass at 6.30 p.m. to commemorate the 4th anniversary of the death of the folk singer Frans Baldacchino popularly known as ‘Il-Budaj’. 5 June – 19 June: Artistic exhibition by Margaret Farrugia.
4 June: ‘Niltaqgħu mal-awtur’ – a cultural and educational evening where Mario Vassallo interviews the author Chev. Stanley Mangion.
14 May – 23 May: Exhibition of artistic cribs by various artists.
___________________________________________________
March/April 2010
22 March – 4 April: 12th edition of the ‘Holy Week Exhibition’ by various well-known as well as new artists.
21 March: Sacred Music-Literary Evening with the participation of the well-known readers. The musical side will be in the hands of Maria Lewis accompanied by Mro. Edwin Vassallo and Jean-Carl Chircop.
1- 13 March: Exhibition of painting and sculpture by the contemporary artist Frans Muscat.
___________________________________________________
January/February 2010
12 February (7.00pm): ‘Niltaqgħu mal-Awtur’ (Meeting the Author) - Mario Vassallo will be interviewing the special guest for the evening Dr. Joe Mifsud, author of the book ‘Betlehem, fil-qtiegħ il-qalb it-Tama’ (Betlehem, a ray of hope in times of despair).
6 – 14 February: Exhibition of art and family coat of arms by Preca and Grixti.
15 – 30 January: Collective exhibition of models and miniatures coordinated by David Zammit.
_____________________________________________________
Minn ħaġa għal oħra – determinati li nkomplu naħdmu
L-impenji tal-Għaqda Filantropika Talent Mosti matul l-2009
B’sodisfazzjon ninfurmawkom li nhar it-28 ta’ Mejju 2009, il-Kummissarju għall-organizazzjonijiet volontarji laqa’ t-talba tal-kumitat tal-Għaqda Filantropika Talent Mosti sabiex b’mod uffiċjali niġu rikonoxxuti fir-reġistru tal-NGOs bin-numru ta’ l-identifikazzjoni VO/0226. Fuq iċ-ċertifikat tal-applikazzjoni tas-sħubija hemm imniżżel li l-għan ewlieni ta’ din l-assoċjazzjoni hu favur il-progress lejn il-kultura, l-arti u l-patrimonju Nazzjonali. Din hi tarġa oħra pożittiva u ferm utli fil-mixja tal-Għaqda li issa ilha tterraq fiha għal dawn l-aħħar 26 sena.
Permezz ta’ din in-newsletter annwali, se nagħtu daqqa t’għajn b’mod konċiż lejn dak kollu li wettqet l-Għaqda matul l-2009. Id-dawra mal-attivitajiet li organizzajna jibdew mill-Milied tal-2008 u jiġu fi tmiemhom fil-Milied ta’ din is-sena.
Għat-tieni sena konsekuttiva organizzajna attivita’ ta’ ġbir ta’ demm mis-sede tagħna flimkien ma’ seħibna David Zammit bejn l-4 u l-5 ta’ Diċembru 2008. B’sodisfazzjon nħabbru li ġew mal-85 donatur. Prosit u grazzi lil kull min ta l-appoġġ tiegħu u b’hekk b’dan l-att nobbli, irsistejna biex insalvaw il-ħajjiet tal-pazjenti fl-isptarijiet ta’ pajjiżna.
Nhar il-Ħadd 14 ta’ Diċembru ġiet inawgurata l-11 l-edizzjoni tal-wirja tal-Milied li ġiet imbierka mill-Arċipriet Dun Mario Tong u miftuħa uffiċjalment mill-Kap tal-Oppożizzjoni Dr. Joseph Muscat fejn ġie ppreżentat b’ikona Griega li tirrappreżenta lil San Ġużepp bħala tifkira u apprezzament taż-żjara tiegħu f’dan iċ-ċentru kulturali u filantropiku. It-tfal tal-Kor Shalom allegraw lill-pubbliku ferm numeruż b’għażla ta’ għanjiet tradizzjonali marbuta ma’ dan l-istaġun festiv u qaddis, waqt li Theresa Gauci qrat poeżija dwar id-drawwa tal-presepju, mirquma mill-poeta Xavier M. Galea. Dan il-mistieden speċjali, flimkien mas-Sindku tal-Mosta Dr. Paul Chetcuti Caruana, l-E.T. Dr. Daniel Micallef, l-Onor. Dr. Anġlu Farrugia, l-Onor. Anthony Agius Decelis u l-Membru Parlamentari Ewropew Glenn Beddingfield, assistew għall-kxif ta’ vetrina bit-tifkiriet tal-għażiż Anton Agius fil-għorfa ta’ fuq is-setaħ, mill-armla u l-qraba ta’ dan l-iskultur Nazzjonali li kien President Onorarju tal-Għaqda. Fiha nfisha, din l-esebizzjoni kienet tikkonsisti fi 42 presepju ta’ għamla, materjal u gosti differenti flimkien ma’ statwetti, kwadri u ritratti li jesprimu b’mod artistiku n-Nativita’ tal-Feddej u kif ukoll għadd ta’ Bambini ħelwin. Xejn inqas minn tnax-il presepju ħadu sehem fil-kompetizzjoni mnedija mill-Kummissjoni Nazzjonali Folklor. Għal darb’oħra, l-Għaqda tħossha kburija għax Mario Camilleri u Charlie Sammut li esebixxew il-presepji tagħhom fis-sede tagħna ġew ikklassifikati fit-tieni u fit-tielet post rispettivament f’Kategorija “C” miftuħa għall- “Presepji Żgħar.” Għexieren ta’ turisti u mijiet ta’ Maltin ġew biex iżuru din il-wirja u jammiraw il-ġmiel tar-Razzett tal-Markiż fejn ġie mżejjen u mdawwal b’mod attrajenti, tant li fil-ġardina ġie armat presepju mdaqqas biex ikattar l-ispirtu u l-atmosfera festiva. Mid-donazzjonijiet li għoġbu jagħti l-pubbliku matul din il-wirja, l-Għaqda offriet €500 lill-Fondazzjoni “Puttinu Cares” b’risq il-kura tat-tfal morda bil-kanċer.
Fis-sena 2009 bdejna l-impenji tagħna nhar l-Erbgħa 14 ta’ Jannar, meta nħatar kumitat ġdid għas-snin 2009 u 2010. Mal-esperjenza ta’ uħud mill-membri, żdiedu uċuħ ġodda – għax it-tiġdid hu wieħed neċessarju u meħtieġ biex b’aktar idejat u forza nkomplu mexjin ‘il quddiem.
L-imħabba li seħibna Andrew Borda għandu lejn iċ-Ċinema, wasslitu sabiex jorganizza l-ħames wirja personali ta’ posters tal-films u li ħabtet il-105 li ġiet imtella’ fir-Razzett tal-Markiż. Ġiet miftuħa uffiċjalment nhar is-Sibt 17 ta’ Jannar mill-Onor. Anthony Agius Decelis. L-ewwel mistieden għas-sena l-ġdida fis-sensiela “Niltaqgħu ma’ l-Awtur” kien il-Professur George Buttigieg li ta taħdita b’referenza għax-xogħolijiet u l-wirjiet ta’ Raymond G. Zammit. Din l-attivita’ li żvolġiet f’waħda kemmxejn differenti minn tas-soltu, saret nhar il-Ġimgħa 30 ta’ Jannar.
L-E.T. Dr. Daniel Micallef fetaħ uffiċjalment il-wirja tal-ikoni mill-artist Vincent Mangani nhar is-Sibt 14 ta’ Frar u damet miftuħa għall-pubbliku sat-28 tal-istess xahar. Fl-isfond ta’ din l-esebizzjoni b’tema sagra, il-Patri Franġiskan Thomas Calleja ta taħdita nteressanti dwar il-publikazzjoni li ħareġ hu stess fl-2007 u li ġġib l-isem “L-Ikona - Il-Vanġelu bil-kulur”.
Bejn is-7 u l-21 ta’ Marzu, l-aħwa artisti Grace Borg, Lina Treble u Dun Reggie Magri tellgħu wirja ta’ pittura. Il-kittieb magħruf l-aktar għall-kotba tat-tfal Tony C. Cutajar, ta taħdita fis-sensiela “Niltaqgħu ma’ l-Awtur” nhar il-Ġimgħa 13 ta’ Marzu.
L-għaxar edizzjoni tas-Serata Mużiko-Letterarja b’tema Sagra ġiet imtella’ nhar il-Ħadd 29 ta’ Marzu bis-sehem tat-tenur Brian Cefai, il-kantanta Mostija Corinne Caruana u l-organista Alison Saguna. Il-qarrejja kienu Margaret Agius, Charles Abela Mizzi, Charles Coleiro u Ġorġ Peresso,waqt li l-preżentazzjoni kienet f’idejn Alexandra Camilleri u Joe Vella. Il-misteden speċjali għal din l-attivita’ annwali kien l-Onor. Evarist Bartolo. F’dik il-lejla stess, tħabbret il-mewt ta’ Mons . Dun Bert Bezzina , “l-Arċipriet tal-Inkurunazzjoni”, kif kien magħruf mill-Mostin kollha! Fuq is-siġġu li fuqu kien se jkun mistieden hu, poġġejna żewġ qronfliet bħala turija ta’ rispett, apprezzament u mħabba. Din is-serata kienet iddedikata lill-Kavallier Carmelo Dimech f’għeluq il-51 sena anniversarju minn mewtu.
Hekk kif din l-attivita’ ġiet fi tmiemha, fis-sede tagħna ġew inawgurati uffiċjalment żewġ bustijiet oħra, wieħed tal-Kavallier Carmelo Dimech li kien benefattur kbir tar-Rotunda, xogħol tal-1948 mill-iskultur E. Borg Gauci u li ġie rrestawrat mill-iskultur Savio Deguara, waqt li l-ieħor juri lil Madre Theresa, xogħol l-artist Frans Muscat.
L-għada, it-Tnejn 30 ta’ Marzu, ir-Rettur tas-Seminarju, il-Mosti Dun Jimmy Bonnici fetaħ il-wirja tal-Passjoni li kienet tikkonsisti f’waħda kollettiva ta’ arti sagra bis-sehem ta’ diversi artisti ta’ isem li fost oħrajn insemmu lil Wistin Camilleri, il-Kavallier Pawlu Camilleri Cauchi, Michael Camilleri Cauchi, Aaron Camilleri Cauchi, Ray Pitre, Tony E. Spiteri u Anton Agius. Bla dubju l-attrazzjoni ewlenija kienet l-abbozz awtentiku tal-monument famuż tal-Ġimgħa l-Kbira tal-Mosta li kien ġie mħallas mill-Kavallier Carmelo Dimech. Publikament niżżu ħajr minn qalbna lis-Sinjura Frida Farrugia u wliedha li jiġu l-qraba tal-Kavallier Carmelo Dimech, tal-fiduċja li wrew fina. Din l-opra artistika kienet ilha 86 sena ġewwa kollezzjoni privata. Għalhekk kien kbir is-sodisfazzjon tagħna lkoll li tajna l-opportunita’ lill-pubbliku nġenerali sabiex għall-ewwel darba jiġi ammirat minn tant mijiet ta’ nies li ġew iżuruh b’tant interess u kurżita’. Ġest ta’ gratitudni jmur lejn il-familja Vassallo talli għoġobha tislef u tesebixxi għall-ewwel darba l-abbozz tal-Irxoxt tal-Mosta, xogħol l-iskultur Ġlormu Dingli. B’kollox ġie esebit mat-83 biċċa xogħol, ipprovduti lilna minn 65 persuna bejn artisti u kollezzjonisti ta’ oġġetti sagri.
Wara l-attivitajiet tal-Ġimgħa Mqaddsa, nhar is-Sibt 18 ta’ April ġiet miftuħa l-wirja fotografika tal-fotografu Ġermaniż Hans Joachim Thalau, fejn il-mistieden speċjali kien il-Kuratur tal-Mużew Nazzjonali ta’ l-Arti, is-Sur Sandro Debono.
Kellna taħdita dwar id-djaletti Maltin, immexxija minn Miriam Cassar bis-sehem ta’ diversi persuni li tkellmu bid-djalett Għargħuri, Għaxqi, Karkariż, Mosti, Żejtuni, Żurrieqi u Xlukkajr fost oħrajn. Din l-attivita’ ferm interessanti saret nhar l-Erbgħa 22 ta’ April.
It-tberik annwali tar-Razzett tal-Markiż sar mill-Arċipriet Dun Mario Tong nhar it-Tlieta 28 ta’ April.
Bejn id-9 u t-23 ta’ Mejju, iċ-ċeramista Godfrey Xuereb esebixxa wirja ta’ ċeramika.
Nhar il-Ġimgħa 12 ta’ Ġunju, ġiet inawgurata l-wirja “Diversity in Art 3” fejn għal darb’oħra Doriette Gauci Sciortino irnexxielha tlaqqa’ għadd sabiħ ta’ pitturi taħt saqaf wieħed.
Nhar il-Ħadd 21 ta’ Ġunju, ħabat għeluq it-tliet snin mill-mewt tal-għannej u poeta Frans Baldacchino “il-Budaj” li kien ukoll President Onorarju ta’ l-Għaqda. Sabiex għat-tielet sena konsekuttiva nfakkru dan l-anniversarju għażiż, din id-darba, aħna flimkien mal-grupp “Vers agħtini l-kelma Maltija” organizzajna serata ta’ djaletti li biha sellimna minn qalbna lil dan il-leġġendarju malti, fil-preżenza tal-armla tiegħu s-Sinjura Pawla Baldacchino u l-kitarrista li kien ħabib sinċier tiegħu, is-Sur Salvu Tanti “il-Kanadiż”. L-udjenza numeruża li attendiet b’ħerqa fil-bitħa tar-Razzett tal-Markiż, ħadet sehem b’mod dirett u spontanju fejn kulħadd kellu l-opportunita’ li jsellem lil dan l-għannej prolifiku u maħbub minn bosta.
Nhar is-Sibt 4 ta’ Lulju, ħabat preċiżament għeluq it-30 sena Anniversarju mill-mewt ta’ Agostino Camilleri, iben dehen tal-gżira Għawdxija. Dan l-istatwarju ta ħila u isem, ġie mfakkar fis-sede tal-Għaqda permezz ta’ tlett inizzjattivi varji imma kumplimentari għal xulxin. Bdejna billi ppreżentajna serata mużiko-letterarja f’ġieħu u li għaliha bħala mistieden speċjali kellna fostna lil Profs. Guido de Marco – President Emeritus ta’ Malta . F’din l-attivita’ li għaliha attenda pubbliku numeruż, taw is-sehem tagħhom il-qarrejja Theresa Gauci, Joe Vella u Ġorġ Peresso waqt li l-interventi mużikali kienu f’idejn is-Sopran Sandra Farrugia u l-organista Simone Attard. Il-preżentazzjoni tmexxiet minn Maria Lewis li hi l-uffiċjal inkarigat mir-relazzjonijiet pubbliċi ta’ ‘Talent Mosti’.
Kellna wkoll dik il-laqta piroteknika li ġiet ipprovduta lilna mill-membri tal-Kumpless tan-Nar fi ħdan is-Soċjeta’ Filarmonika Santa Marija. Fi tmiem din is-serata ġie mikxuf il-bust ta’ Wistin Camilleri, xogħol ibnu stess, il-Kavallier Alfred Camilleri Cauchi u ġie mbierek mill-Arċisqof Emeritus Mons . Ġużeppi Mercieca. Fl-aħħar iżda żgur mhux l-anqas, ġiet miftuħa uffiċjalment esebizzjoni artistika li fiha kien hemm esebit xi wħud mill-opri sagri li ħadem Wistin għall-Parroċċa tal-Mosta flimkien ma’ xogħlijiet artistiċi oħra li jinsabu f’għadd ta’ bliet u rħula Maltin u Għawdxin. Min-naħa tiegħu l-President ta’ l-Għaqda Joe Bartolo irringrazzja lil kull min kien involut f’dawn l-inizzjattivi, fejn b’mod speċjali esprima l-gratitudni tiegħu lejn il-membri kollha tal-Familji Camilleri Cauchi u lill-Arċipriet Dun Mario Tong għall-koperazzjoni sħiħa tagħhom. Hu ppreżenta tifkira ta’ ħajr u apprezzament lil kull min ta daqqa t’id b’xi mod jew ieħor għas-suċċess miksub minn din il-ħidma sfiqa. Din il-wirja partikolari li ħabtet il-112 il-waħda ġiet imtella’ f’dan iċ-ċentru ta’ Kultura Nazzjonali u damet miftuħa sat-18 ta’ Lulju.
B’dover u rispett, nhar il-Ħamis 16 ta’ Lulju il-kumitat attenda għall-quddiesa tal-funeral ta’ Mons . Angelo Camilleri li kien Direttur Spiritwali Emeritus ta’ l-Għaqda. Il-bust tiegħu fis-sede tagħna se jibqa’ ifakkarna fih għal tul is-snin għal dak kollu li għoġbu jwettaq magħna.
Ħolma oħra li saret realta’ hi dik tat-tisbieħ ta’ l-entratura u tal-faċċata tar-Razzett tal-Markiż. Kien proġett imfassal f’żewġ fażijiet. Bit-tħabrik tal-Kunsill Lokali Mosti, b’mod speċjali, it-Tabib Paul Chetcuti Caruana bħala Sindku, ġiet imsebħa l-bankina fejn ġiet tiddomina l-arma tal-Mosta bil-motto taħtha, xogħol bil-galbu u b’sengħa fl-irħam. Waqt li maġenb il-Bust tal-Markiż Mallia Tabone twaħlet irħama dekorattiva fuq disinn tal-Mosti Jeffrey Galea biex tibqa’ tifkira dejjiema tal-25 anniversarju mit-twaqqif ta’ l-Għaqda. Filwaqt li niżżu ħajr lil dawk il-benefatturi li għamlu tajjeb għall-ispejjeż involuti, nirringrazzjaw b’mod partikolari lill-Perit Chris Grech ta’ kull għajnuna li għoġbu joffrilna. Saret ukoll rampa li tagħti għal fuq il-bankina sabiex tintuża minn persuni b’diżabilita’.
Wara li għaddiet il-festa ta’ Santa Marija, issoktajna bl-impenji tagħna. Nhar is-Sibt 12 ta’ Settembru, il-President Emeritus Dr. Ugo Mifsud Bonnici fetaħ uffiċjalment wirja artistika u li biha l-Għaqda tat ġieħ mistħoqq lil Esprit Barthet (1919-1999) u lil Antoine Camilleri (1922-2005). Il-kwadri esebiti ġew miġjuba għall-ammirazzjoni tal-pubbliku minn kollezzjoni privata. Il-preżentazzjoni tal-programm kienet f’idejn Alexandra Camilleri.
L-Għaqda żammet l-appuntament mad-drama nhar il-Ġimgħa 9 ta’ Ottubru, meta ppreżentat żewġ drammi qosra li kienu “Mistura ta’ imħabba għal Arlekkino” ta’ Narcy Calamatta u “Kollox bil-Qaddisin” ta’ Frank Tanti, msejjes fuq l-istejjer ta’ Dun Xand Cortis, li nisslu sens ta’ divertiment fost l-udjenza miġbura. L-għada s-Sibt 10 ta’ Ottubru, ġiet inawgurata wirja ta’ skultura u pittura minn Angelo Agius u Vincent Abdilla. Is-sensiela “Niltaqgħu ma’ l-Awtur” issoktat nhar il-Ħamis 22 ta’ Ottubru, meta x-xandar Charles Abela Mizzi, intervista lil Dr. Alfred Sant dwar l-aħħar rumanz tiegħu “L-Għalqa tal-Iskarjota”, fejn attendiet udjenza sabiħa.
Organizzajna t-tieni edizzjoni ta’ fiera ta’ l-antikitajiet b’risq il-karita’ bejn it-30 ta’ Ottubru u t-8 ta’ Novembru.
Bejn l-14 u t-28 ta’ Novembru ttellgħet wirja ta’ pittura minn Joe Muscat u Leslie Agius.
Bħal kull sena, tqaddset quddiesa fir-Rotunda mill-Arċipriet Dun Mario Tong nhar is-Sibt 28 ta’ Novembru, b’sufraġju għal ruħ il-membri u l-benefatturi mejtin ta’ l-Għaqda.
Infakkrukom li bejn it-3 u l-4 ta’ Diċembru, l-Għaqda flimkien ma’ seħibna David Zammit, għat-tielet sena konsekuttiva se norganizzaw attivita’ ta’ ġbir ta’ demm mis-sede tagħna. Dan hu l-isbaħ rigal li wieħed jista’ jagħti f’dan il-Milied! Il-kalendarju tagħna jiġi fi tmiemu nhar il-11 ta’ Diċembru meta tiġi inawgurata l-wirja tradizzjonali tal-Presepji u Bambini.
Hawn il-kumitat jixtieq jirrimarka punt importanti. Mhux il-wirjiet kollha li jittellgħu fis-sede tagħna huma amministrati mill-Għaqda. Filfatt fil-maġġoranza tagħhom, il-mistiednin li jattendu għall-ftuħ ta’ dawn l-esebizzjonijiet jiġu mistiedna biss, direttament bil-kunsens tal-artisti nfushom. B’hekk jassiguraw ruħhom mill-ispejjeż tar-riċeviment għax ikollhom kontroll sħiħ min-nies li se jattendu. Mis-sena d-dieħla, kull mistieden se jkun obligat li jippreżenta l-invit tal-istedina fl-entratura lil xi membru tal-kumitat. Nirringrazzjawkom bil-quddiem tal-ko-operazzjoni tagħkom. Mill-banda l-oħra, il-wirjiet li jittellgħu mill-Għaqda nfisha bħal dawk tal-Milied u tal-Ġimgħa Mqaddsa fost oħrajn, il-membri li jħallsu b’mod regolari l-membership annwali, huma mistiedna awtomatikament għall-ftuħ uffiċjali, f’każ li ma jirċevux l-invit id-dar, minħabba l-ispejjeż għoljin tal-pustaġġ.
Għall-attivitajiet tal-2010 ikun tajjeb li ssegwu l-media lokali kollha u kif ukoll tistgħu ssibuna wkoll fuq www.talentimosti.org. Filfatt din il- website ġdida ġiet maħduma u mfassla minn Derek Fenech u ġiet attivata fuq l-internet f’Ġunju.
L-Għaqda hi mħarsa bi “Proċeduri ta’ Tmexxija” li dan isir b’kollaborazzjoni mal-Kunsill Skolastiku tal-Kulleġġ Maria Regina – Sekondarja Bniet.
Permezz ta’ din l-ittra nixtieq infakkrek illi qed jinġabar il-ħlas ta’ 5 Ewro għas-sena 2010 bħala membru tal-Għaqda. Il-ħlas jista’ jsir fir-Razzett tal-Markiż Mallia Tabone fil-ħinijiet tal-ftuħ mit-Tnejn sal-Ġimgħa bejn is-6.00pm u d-9.00pm.
Filwaqt illi nirringrazzjawk tal-appoġġ li dejjem tajt lill-Għaqda, f’ismi u f’isem il-President u l-kumitat nawguralek lilek u l-familja kollha tiegħek il-festi t-tajba u Sena Ġdida mimlija risq u hena.
Tislijiet.
Mario Bugeja
Segretarju
_________________________________________________
Activities for 2009 held at the Centre for National Culture Razzett tal-Markiż Mallia Tabone
_____________________________________________________
December 2009
3 -4 December: ‘Give Blood. Give Life’
12 December – 2 January 2010 : Annual Christmas Exhibition
_____________________________________________________
November 2009
30 October - 8 November: Fair of antique furniture and other antique items as well as religious objects.
14 – 28 November : Collective exhibition of paintings by Joe Muscat and Leslie Agius
28 November (6.30 p.m.): Mass for the repose of the departed members and benefactors of this society.
_____________________________________________________
October 2009
9 October (7.00 p.m.): Two short plays by Narcy Calamatta and Frank Tanti. Both these plays are adapted from the stories of Dun Xand Cortis.
10 – 24 October : Exhibition of paintings and sculpture by Angelo Agius and Vincent Abdilla
22 October (7.00 p.m.): ‘Niltaqgħu mal-Awtur’ (Meeting the Author), the presenter Charles Abela Mizzi will be interviewing the special guest for the evening Dr. Alfred Sant, author of the novel ‘L-Għalqa tal-Iskarjota’.
_____________________________________________________
September 2009
12 – 16 September : Exhibition of paintings by Antoine Camilleri and Esprit Barthet
_____________________________________________________
All activities are held at the Centre for National Culture Razzett tal-Markiż Mallia Tabone, Triq Wied il-Ghasel, Mosta. The centre is open daily between 6.00pm and 9.00pm. Click here for map
For further information on the above activities or to enquire about booking an activity at the Centre please telephone 2142 0632 between the above mentioned hours.